Почитувани медиуми,
Почитувани граѓани,
По многу работни средби предводени од генералниот директор г. Мајан Вејсели постигнат е договор со пристаништето во Солун.
Минатата седмица, делегација од раководството на ЖРСМ Транспорт АД Скопје предводена од генералниот директор г. Мајан Вејсели и заменик директорот г. Сашо Јовановски, го посетија пристаништето во Солун и се сретнаa со раководството на „ThPA S.A.“. ЖРСМ Транспорт АД Скопје е железнички оператор во Македонија и соработува со „ThPA S.A.“ во рамки на директната железничка линија што неодамна беше пуштена во собраќај помеѓу Солунското пристаниште, главната порта за трговија во поширокиот Балкански регион, Југоисточна Европа и Ниш во Србија.
Во оваа прилика, директорот г. Мајан Вејсели потпишa договор со ThPA S.A. која е власник и оператор на Солунското пристаниште за транспорт на вагони со контејнери на линијата Солун-Ниш и обратно.
Разговорите меѓу двете страни се водеа во врска со прашањата за нивната сегашна и идна соработка, вклучително и оперативната ефикасност на железничките врски, гарантирање на услуги на високо ниво и висок квалитет, итн.
Во заедничките изјави по средбата, г. Атансиос Лиагкос, Извршен председавач на Одборот на директори и Генерален Директор на ThPA S.A., и г. Мајан Вејсели, Претседател на Управниот одбор и Генерален Директор на ЖРСМ Транспорт АД Скопје, го изразија своето задоволство за обостраната соработка,што се одликува со изгледни шанси за напредување и го отвора патот за создавање нови можности во полза на нивните деловни партнери и различни општествени групи.
