Генералниот директор на ЖРСМ Транспор-АД Скопје, Зули Демири оствари состанок со претставници на германската компанија „Оптима“, единствена за организирање на меѓународен сообраќај. Иницијативата на генералниот директор Демири е ЖРСМ да го врати во функција меѓународниот железнички сообраќај за транспорт на патници. На состанокот, со претставниците на германската компанија беа разгледани можностите за соработка, а директорот Демири, иницираше идеја за развој на соработка преку реализација на заеднички проекти. Во разговорите меѓу претставниците на двете компании беше нагласена важноста од започнување на соработка, а во наредниот период акцент ќе биде ставен на размената на искуства во областа на железничкиот транспорт на патници, имајќи предвид дека оваа германска компанија со години е присутна на транспортниот пазар на Европската Унија.