Генералниот директор, Аднан Азизи првата официјална посета надвор од нашава држава ја оствари во Косово, каде се сретна со г. Гелор Шала, главен извршен директор на Косовските Железници – Траинкос АД.
Со г. Шала разговараа за продлабочување на соработката како две соседни земји, што е повеќе од потребно за обете железнички претпријатија на нашите држави.
Исто така, заедно со г. Шала изразија подготвеност да се направат напори за реактивирање на превозот на патници на линијата Скопје – Приштина во најкус можен рок.
Се согласија дека ваквите состаноци треба да се интензивираат, како неопходност за продолжување на соработката, каде што со посебен акцент е взаемниот транспорт на стоки меѓу двете земји.
