Јавните претпријатија Железници на Република Северна Македонија – Транспорт АД Скопје (ЖРСМ) и Железници на Република Северна Македонија – Инфраструктура (ЖРСМИ), потпишаа во вторник меморандум за соработка, кој меѓу другото предвидува инсталирање на електронска опрема која ќе им овозможи на патниците да можат да го следат движењето на на возовите во реално време.
Во меморандумот кој го потпишаа директорот на ЖРСМ, Орхан Муртезани и директорот на ЖРСМИ, Фестим Халили, страните се должни да воспостават соработка во врска со инсталирање, одржување и унапредување на информацискиот систем на возниот ред на гарнитурите и локомотивите во 12-те железнички станици долж Коридорот 10, кој ги опфаќа станиците Табановце, Куманово, Скопје, Велес, Градско, Неготино, Демир Капија и Гевгелија, како и станиците на Коридорот 10д, Чашка, Богомила, Прилеп и Битола, при што патниците ке бидат информирани за локацијата на возовите во реално време.