На ден 21.11.2019 година Генералниот директор Orhan Murtezani во Анкара, Турција, оствари деловна средба со Kamuran Yazici, Генералниот директор на Турски железници TCDD-Tasmicilik. За време на овој состанок се разговараше за можноста за пуштање линија на туристички возови кои ќе сообраќаат на релација Истанбул- Солун – Скопје.
За време на оваа средба се реализираше и возење во патнички воз со голема брзина (250 км/ч), во сопственост на TCDD-Tasmicilik, на релација Анкара – Ескишехир на оддалеченост од 250 км и назад, со комплетна презентација на електрична патничка возна гарнитура. Во Есхишекир Генералниот директор Orhan Murtezani оствари посета на најстарата и најголемата фабрика за производство на локомотиви TÜLOMSAŞ, лидер во турската тешка индустрија која изработува разни видови локомотиви, возила за одржување на железница, товарни вагони, разни видови дизел мотор, алтернатори, влечни мотори одчелик и леано железо со капацитет за да ги задоволи потребите на TCDD за локомотиви и вагоните. Исто така оствари и посета на Училишниот центар за машиновозачи, опремен со 30 симулатори со 3Д проекција.
На ден 22.11.2019 година Генералниот директор Orhan Murtezani оствари протокуларна средба со Ali Ihsan Uygun, Генерален директор на TCDD. На оваа средба, Ali Ihsan Uygun, Генералниот директор на TCDD го извести Orhan Murtezani, Генералниот директор на ЖРСМ, а потоа му упати и покана за претстојниот Самит на сите балкански железници кој на пролет ќе се одржи во Истанбул. Целта на овој самит ќе биде поврзување на сите балкански градови, првично со патнички, а потоа со товарни возови.
