На ден 23.09.2019 година, Генералниот директор на ЖРСМ Транспорт АД-Скопје, Orhan Murtezani, присуствуваше на 64-то Генерално Собрание на ЦЕР – Европска Заедница на Железници, кое се одржа во Гданск, Полска. На Генералното собрание на ЦЕР, чија активна членка е и ЖРСМ Транспорт АД-Скопје, се дискутираше на повеќе теми од областа на Железниците, за тековните и идните проекти на Европски железници, а се изврши и избор на Управниот комитет на ЦЕР за мандат 2020-2021 година.
Воедно, Генералниот директор на ЖРСМ Транспорт АД-Скопје, Orhan Murtezani, оствари и директна средба со Извршиот директор на ЦЕР, Либор Лохман, на која го извести за тековното работење на Железници на Република Северна Македонија Транспорт АД-Скопје во однос на патничкиот и товарниот железнички сообраќај, како и со предизвиците со кои се соочува компанијата во однос на железничкиот возен парк.
Либор Лохман, од свое име и од името на ЦЕР – Европска Заедница на Железници, упати искрени честитки на Orhan Murtezani за неговото именување за Генерален директор на ЖРСМ Транспорт АД-Скопје, ја понуди својата целосна подршка во неговото понатамошно работење, како и на работењето на компанијата и предложи наскоро да оствари работна посета во просториите на ЖРСМ Транспорт АД-Скопје.